تعلم الفوركس بدون معلم

تعلم الفوركس بدون معلم

بعيدا عن العنوان اللي بقينا نسمعه في حياتنا أكتر ما بنتعلم الفتره الجايا هنبدأ سلسله مقالات خاصه بمجال الفوركسلو عايز تتعلمه من الأول هتلاقي اللي يناسبك لو عايز تعرف اسس تشتغل بيها في شغلك هتلاقي برضـه  خلينا نبدأ ونقول : 

لو فكرت تسافر اي دولة ، الطبيعي تلاقي ان العمله عندهم مختلفه عن عمله بلدك، وهتلاقي نفسك من وانت في المطار بتفكر ازاي تغيّر عمله وبتدور علي اقرب مكتب صرافه او بنك عشان تغيّر العمله

لو روحت مكتب الصرافه هتلاقي قدامك شاشه كبيره عليها اسعار عماله تتغير كل لحظه ، لو مثلا رايح اليابان وبتبص لقيت انـ الدولار الواحد "مثلا" يساوي 100 ين ياباني هتلاقي نفسك بتقول انا معايا 100 دولار اذن انا هكون في البلد دي غني، الأحساس ده هيتقتل فيك بسرعه أول ما بتفكر تدخل اي محل هناك عشان تشتري مثلا عصير وتلاقي خد ربع فلوسك يا بطل المهم دي مش قصتنا 

لما انت بتعمل العمليه دي يبقي انت شاركت في سوق الـ Forex !! انت بدّلت عملة قصاد عملة تانية، لو انت مصري مثلا رايح امريكا هتلاقي نفسك بتشتري دولارات قصاد انك بتبيع جنيه مصري، طيب خليني افترض معاك انك قعدت شوية وارتحت وقضيت غرضك من السفر وجاي ترجع ولسه باقي معاك شوية دولارات عايز ترجعهم مصري تاني روحت ترجعهم لقيت ان مستوي الأسعار اتغير يعني الدولار اللي اشتريته بـ 7.5 دلوقتي بـ 7 جنيه يعني خسرت نص جنيه علي كل دولار "ده اسمه معدل تغيير الاسعار" وتغيير الأسعار ده هو اللي بيخليك تعمل فلوس وارباح من سوق الفوركس "سوق تبادل العملات الأجنبيه"

سوق تبادل العملات الأجنبيه المعروف بأسم الفوركس يعتبر أكبر الأسواق المالية علي مستوى العالم، مقارنه بأكبر اسواق المال العالمية نيويورك "حجم سيولتهم وتداولهم في السوق ده يوميا ب 22.4 بليون دولار، سوق الفوركس يوميا بيوصل لـ 5 ترليون دولار في احجام التداول 

تخيل بقي انت بتسمع عن بورصة نيويورك كل يوم في CNBC ودلوقتي في CBC اكسترا و ON TV وبلومبيرج واد ايه السوق ده يعتبر اكبر بورصة في العالم اهو دي بالنسبة لسوق الفوركس عامل زي صاله الجيم اللي في منطقه شعبيه وزي مثلا Golden Gym 

عامل زي احمد حلمي في فيلم زكي شان بالنسبة لناهض العدوي في مشهد "هو ده عيشقها" 

وبتغيير الأسعار اللي في السوق ده بتقدر تحقق جوا ارباح وهنتكلم في الحلقات الجايا عن الموضوع بتعمق أكتر 

قولنا هل سمعت عن سوق الفوركس قبل كده ولو شغال فيه أيه اكبر المشاكل اللي بتقابلك ؟

المصدر : chart voice