الفتره اللي فاتت واحنا بنسمع رأي الناس عن البورصة لقينا في مفاهيم غلط كتير عند الناس ومن هنا ناخد رأي الناس عن البورصة لقينا أن كتير بتطلب مننا تعرف يعني ايه بورصة ،، وببساطه من غير كلام مكلكع او تعقيد هنتكلم في البوست ده هتكون البداية عن البورصة ومن غير كلام صعب او معقد يزعـل مننا حد
- ببساطه البورصة " لما مجموعه اشخاص بيفتحوا شركه اول حاجه بيحددوها هي راس مال الشركه "فلو افترضنا انهم 4 اشخاص وراس مال الشركه مليون جنيه معناه ان كل شخص منهم بيدفع 250 الف جنيه وبيملك 25% من الشركه وده معناه لو الشركه كسبت 100 جنيه كل شخص من الأربعه هيكسب 25 جنيه
- طيب لو الشركه دي محتاجه تزود راس مالها علشان تطور او تنتج حاجات جديده الأربع اشخاص دول هيكونوا محتاجين شركاء جداد ، يدخلوا معاهم يدفعوا فلوس مقابل نسبه من الشركه وبالتالي نسبه من ارباحها
طيب ازاي ننظم دخول الأشخاص دول بشكل بسيط وواضح ؟؟هنا بيظهر دور البورصة " البورصة هي المكان اللي تقدر فيه تشتري نسبه من اي شركه وده اللي بيتسمي في البورصة "الأسهم"
والسهم: هو قيمه نسبتك في راس مال الشركه واللي بناء علي عدد الأسهم اللي معاك بيتحدد ارباحك
طيب ايه اللي بيحدد سعر السهم ؟؟ "اللي بيحدد ده قيمه الشركه في السوق وحجم راس مالها "طيب وانا كده ازاي يا عم ابقي استثمرت فلوسي ؟؟؟
هقولك لما يكون فيه شركه والسهم بتاعها قيمته جنيه واحد والشركه تحقق ارباح وبالتالي قيمه السهم بتزيد تبقي مثلا 2 جنيه ده معناه انك كسبت جنيه زياده
ساعتها يا اما بتبيع جزء من اسهمك لناس عايزه تشارك في الشركه يا اما بتشتري اسهم اكتر عشان تزود نسبتك في الشركه ،، امال في ناس بتخسر في البورصة حضرتك انت هتشتغلنا ؟؟
ده لأنك لازم تفهم كويس انت بتشتري اسهم في شركه وضعها عامل ازاي فلازم تعرف السوق كويس وتتابع تطور الشركه وتطور اسعار الأسهم فيها وبالتالي تعرف امتي تشتري اسهم او امتي تبيع (وده هنشرحه في حلقه منفصله)
بإختصار البورصة هي طريقه واضحه للتمويل بدل ما تلجأ للبنك لو انت صاحب شركه كبيره ،، وكمان هي وسيله للاستثمار اللي يديلك فايده اعلي لو انت مستثمر
ومن هنا عرفنا يعني ايـه بورصة ؟؟ قولنا بقي يا تري فكرت قبل كده تشتغل في البورصة ؟ او ليك تجربه مع البورصة احكيهالنـا ؟
المصدرChart Voice
0 comments:
Post a Comment